კვარიათში, სამანქანე გზის მოწყობის მიზნით, პლაჟი დააბეტონეს. ფაქტის ამსახველი ფოტოები “აჭარა თაიმსმა” გადაიღო. ადგილობრივები პირად საუბრებში ამბობენ, რომ აღნიშნული გზა დასახლების საკანალიზაციო სისტემის გამწმენდ ნაგებობამდე მიდის.
არის თუ არა პლაჟის დაბეტონება კანონიერი? ბათუმის მუნიციპალურ ინსპექციაში არ გვიპასუხეს. აქ მხოლოდ ის გვითხრეს, რომ კითხვებით შპს. “ბათუმის წყლისთვის” უნდა მიგვემართა.
- რისთვის დააბეტონეს პლაჟი?
- ვინ გასცა პლაჟზე გზის მოწყობის ნებართვა?
- დაბეტონების გარეშე სპეცტექნიკის გადაადგილება არ იყო შესაძლებელი?
“ბათუმის წყალში” ერთკვირიანი ლოდინის მიუხედავად კითხვებზე არ გვიპასუხეს. აღსანიშნავია, რომ გზა, რომელიც გამწმენდ ნაგებობამდე მიდის, სავარაუდოდ ასევე იყენებენ სანაპიროს მხრიდან არსებული სასტუმროების მფლობელებიც.
