ხულოს, შუახევის და ქედის მუნიციპალიტეტების მაღალი ზონის სოფლებში თოვლის საფარი 1 მეტრამდე აღწევს. ინტენსიური თოვისა და ქარბუქის გამო მაღალი ზონის სოფლებში გადაადგილება მხოლოდ მაღალი გამავლობის ავტომობილებით არის შესაძლებელი.
აჭარის საავტომობილო გზების დეპარტამენტში განმარტავენ, რომ გზების წმენდის სამუშაოებში სპეცტექნიკა ჩართულია. პირველ ეტაპზე ადმინისტრაციულ თემებთან დამაკავშირებელი საავტომობილო გზები იწმინდება.
ენერგო პრო ჯორჯიაში ამბობენ, რომ ელექტროენერგია შეზღუდვით მიეწოდება ქედის, ხულოსა და შუახევის მუნიციპალიტეტებს.
“მოსულმა უხვმა ნალექმა, დააზიანა კომპანიის მაღალი ძაბვის ინფრასტრუქტურა, ძირითადად დაზიანებულია ელ.გადამცდმი ხაზები. ამ დროსითვის კომპანიის ტექნიკური სამსახური აქტიურად მუშაობს რათა, ელ.ენერგიის მიწოდება აღადგინოს სრულად,” – აცხადებენ კომპანიაში.
