რა კეთდება კაფე “გარდენსის” ნაცვლად – AJARATIMES.GE მესამე კვირაა, რაც ბათუმის მერიისგან ელოდება კითხვებზე პასუხებს. უწყების პრესსამსახურში გვეუბნებიან, რომ ინფორმაცია შესაბამის სამსახურს მიაწოდეს, თუმცა მათგან სრული იგნორია. ნაგებობას სრული რეაბილიტაცია უტარდება, ტერიტორიაზე კი საინფორმაციო ბანერი არაა განთავსებული.
შენობის რეაბილიტაციის გარდა, ადგილზე მისასვლელი ბილიკებისა და სანიაღვრე არხების მოწყობაც მიმდინარეობს. დასაქმებულებთან გასაუბრებით მხოლოდ ის გავარკვიეთ, რომ კერძო ობიექტს სანიაღვრე არხს კომპანია “ბათუმის წყლის” ადმინისტრაცია უკეთებს. ჩვენი ინფორმაციით, განახლების შემდეგ სავარაუდოდ, შენობაში ერთ-ერთი სამშენებლო კომპანიის ოფისი იხსნება.
ინფორმაციისთვის: საჯარო რეესტრის თანახმად, შენობას მესაკუთრე რამდენჯერმე შეეცვალა, ბოლო ცვლილება კი 2022 წელს განხორციელდა და ბათუმის მერიამ ობიექტი აღნაგობის უფლებით შპს “აჭარგანათებას” გადასცა.
ცნობისთვის, “აჭარგანათება” სახელმწიფო ტენდერებს უკონკურენტოდ და აუქციონის გარეშე იგებს. კომპანია „ქართული ოცნების” ბათუმის საკრებულოს ყოფილი წევრის, ირაკლი თოფურიძის ოჯახის საკუთრებას წარმოადგენს.
