რა წერია ეუთო/ოდირის საბოლოო დასკვნაში – მთავარი მიგნებები მოკლედ

“არჩევნები ჩატარდა ფუნდამენტურ თავისუფლებებსა და სამოქალაქო საზოგადოებაზე ბოლო დროს მიღებული კანონის გავლენის შესახებ სერიოზული შეშფოთებების, საარჩევნო პროცესში მონაწილე ინსტიტუტების დამოუკიდებლობის შესამცირებლად გადადგმული ნაბიჯებისა და ამომრჩევლებზე ზეწოლის ფონზე, რამაც, საარჩევნო დღის პრაქტიკებთან ერთად, დააზიანა ზოგი ამომრჩევლის უნარი, რომ ხმა სასჯელის შიშის გარეშე მიეცა.

არჩევნებისთვის მომზადება კარგად იყო ორგანიზებული, მაგრამ არჩევნების დღეს ხმის საიდუმლოების ხშირი დარღვევები, რამდენიმე პროცედურული შეუსაბამობა და ცნობები ზეწოლისა და დაშინების შესახებ, მათ შორის, პროცესის გადაღების მეშვეობით, პროცესისა და სხვა მხრივ ზოგადად პროცედურულად წესრიგში მყოფ საარჩევნო დღის მიმართ საზოგადოებრივ ნდობაზე უარყოფითად იმოქმედა.

არჩევნების შემდგომი მოვლენებისა და საჩივრების შეფასებაში, ოდირმა დაადგინა, რომ საქმეები სათანადოდ არ იყო განხილული, სამართლებრივი დაცვის საშუალებების შეზღუდვამ, აქციების ძალისმიერმა ჩახშობამ და მრავალრიცხოვანმა დაკავებებმა მშვიდობიანი შეკრების თავისუფლებისადმი საერთაშორისო ვალდებულებასთან შესაბამისობაზე სერიოზული შეშფოთებები გამოიწვია.

ოდირს არ აქვს მანდატი, აღიაროს ან მხარი დაუჭიროს არჩევნებს. ნაცვლად ამისა, ოდირი საარჩევნო პროცესის ყოვლისმომცველ და მიუკერძოებელ შეფასებას წარმოადგენს, რომელიც უნივერსალურ პრინციპებს, საერთაშორისო ვალდებულებებსა და ეუთოს ყველა სახელმწიფოს მხრიდან დემოკრატიული არჩევნების ჩატარების ვალდებულებას ეფუძნება. ეს ამომრჩევლებს საშუალებას აძლევს არჩევნების ხარისხის შესახებ თავიანთი დასკვნა გამოიტანონ. ადმინისტრაცია ასევე მზად არის, საარჩევნო დაინტერესებულ მხარეების ფართო დიაპაზონს მხარი დაუჭიროს მათ ძალისხმევაში, რომ საკითხები არჩევნების შემდგომი დიალოგით და კონკრეტული ქმედებებით მოგვარდეს.

დღევანდელ ანგარიშში წარმოდგენილია რიგი რეკომენდაციები, თუ როგორ უნდა ჩატარდეს არჩევნები უკეთ. ამისთვის საჭიროა ცვლილებები როგორც კანონმდებლობაში, ისევე პრაქტიკაში, რათა მოგვარდეს დაბალი საზოგადოებრივი ნდობისა და ამომრჩეველთა მიერ შიშის გარეშე ხმის მიცემის შესაძლებლობის პრობლემები, ამავდროულად, იმისთვის, რომ საქართველოში საარჩევნო პროცესის გამჭვირვალობა და მის მიმართ ნდობა ყველას სასიკეთოდ გაიზარდოს,” – წერია ორგანიზაციის მიერ გავრცელებულ პრესრელიზში.