ავარია ფრიდონ ხალვაშის ქუჩაზე
ბათუმში გასული ღამე სამი ავტოსაგზაო შემთხვევით გამოირჩეოდა, რომელთა შედეგად ორი ადამიანი დაშავდა. „აჭარა თაიმსის“ ინფორმაციით, პირველი შემთხვევა ფრიდონ ხალვაშის ქუჩაზე მოხდა, სადაც ერთმანეთს ორი მსუბუქი ავტომობილი შეეჯახა. ინციდენტის შედეგად ერთი პირი დაშავდა და სასწრაფო დახმარების ჯგუფმა ის კლინიკაში გადაიყვანა.
მეორე შემთხვევა თამარის დასახლებაში დაფიქსირდა – ქვეითს ავტომობილი დაეჯახა. დაშავებული სამედიცინო დაწესებულებაში გადაიყვანეს.
მესამე ავარია შარტავას ქუჩაზე მოხდა. თვითმხილველების თქმით, მაღალი სიჩქარით მოძრავი ავტომობილი გმირთა ხეივნის ტერიტორიაზე შევარდა და რეკრეაციულ ზოლში აღმოჩნდა. მოქალაქეების დახმარებით ავტომობილი პოლიციის მისვლამდე იქედან ხელით გამოიყვანეს.
