სოფელ კირნათში მცხოვრებლები ჰესის მენეჯმენტის წინააღმდეგ. ადგილობრივებმა დღეს აქცია გამართეს, რომ იმ ვალდებულებების შესრულება მოითხოვეს, რაც კომპანიას თავის დროზე აიღო. კერძოდ, მოსახლეობა დღემდე ინფრასტრუქტურის მოწესრიგებას უშედეგოდ ითხოვს.
მოსახლეობა აცხადებს, რომ კირნათი ჰესის მენეჯმნეტის საქმიანობის შედეგად სოფელში დაზიანდა გზა, გარეგანათება და სტადიონი. მოსახლეობის უკმაყოფილებას ის ფაქტიც იწვევს, რომ მძმე ტექნიკის გადაადგილების შედეგად დისკომფორტული გარემოა შექმნილი.
უფლებადამცველ თამაზ ბაკურიძის ინფორმაციით, მოსახლეობას კომპანიის წარმომადგენელი შეხვდა და საკითხების მოგვარების პირობა დადეს, თუმცა რა დროისთვის გაუგებარია.
სოფელ კირნათში დღეს გამართულ აქციაზე აღნიშნეს, რომ ხუთი წლის წინ, პროტესტის ჩახშობის მიზნით ადგილზე აჭარის მთავრობის თავდჯომარის მამა, დავით რიჟვაძე იმყოფებოდა, რომელიც იმ დროს ხელვაჩაურის პოლიციის უფროსი იყო.
ადგილობრივთა თქმით, თორნიკე რიჟვაძის მამისგან პრობლემების მოგვარების პირობა მიიღეს, რაც არ შესრულდა. მათი შეფასებით, დავით რიჟვაძის ვიზიტი არა ხალხის დახმარება, არამედ მისი შვილის დაცვას უფრო ეხებოდა, ადგილობრივებს ამის თქმის საფუძველი ის გარემოება აძლევთ, რომ მაშინ თორნიკე რიჟვაძე აჭარაში ჰესების მშენებლობას კურირებდა.
