გარემოსდაცვითი ზედამხედველობის დეპარტამენტის თანამშრომლებმა აჭარაში უკანონო ტყითსარგებლობის ფაქტი გამოავლინეს. კონტროლის ფარგლებში, შუახევის მუნიციპალიტეტის სოფელ ბრილში, ლენტური ტიპის სახერხი დანადგარით აღჭურვილი უკანონო საამქრო აღმოაჩინეს.
დეპარტამენტის ინფორმაციით, დანადგარი დალუქულია და მასალები, შემდგომი რეაგირების მიზნით, უკვე გადაგზავნილია შესაბამის უწყებებში.
„ვინაიდან ფაქტი შეიცავს სისხლის სამართლის დანაშაულის ნიშნებს, მასალები შესაბამის ორგანოებს გადაეცათ. გარემოსდაცვითი ზედამხედველობა უკანონო ტყითსარგებლობის წინააღმდეგ ბრძოლას აქტიურად აგრძელებს და ამ მიმართულებით ღონისძიებებს რეგულარულად ახორციელებს,” — აცხადებენ უწყებაში.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
