ქართველებსა და რუსებს შორის ფიზიკური დაპირისპირება მოხდა, რაც მოგვიანებით რამდენიმე ადამიანის დაკავებით დასრულდა, ამის შესახებ AJARATIMES.GE-ის ფაქტის თვითმხილველები უყვებიან.
შემთხვევა ცოტა ხნის წინ, აბუსერიძის ქუჩაზე, ერთ-ერთ რესტორანში მოხდა.
თვითმხილველთა თქმით, რუსეთის მოქალაქემ ქართველებს აგინა, რაც კონფლიქტის მიზეზი გახდა. დაპირისპირებისას დაზიანდა რესტორნის ინვენტარი.
რუსეთის მოქალაქეს სახის არეში დაზიანებები ჰქონდა მიყენებული, ის პოლიციის მაქნანაში მოათავსეს, ტერიტორიაზე სასწრაფო სამედიცინო დახმარების ჯგუფი არ მისულა.
შემთხვევის ადგილზე საპატრულო პოლიციის რამდენიმე ეკიპაჟი იყო მობილიზებული. თითქმის ერთი საათით შეფერხდა სატრანსპორტო მიმოსვლაც.
ადგილზე შეკრებილები ქართველების დაკვებას აპროტესტებდნენ, რის გამოც პოლიციელები კონფლიქტის მონაწილე პირების ტერიტორიიდან განრიდებას ცდილობდნენ.
შინაგან საქმეთა სამინისტროში განმარტეს, რომ ორი პირი ადმინისტრაციული წესით დააკავეს.
