ოთარ ფუტკარაძემ “ქართულ ოცნებას” 37 ათასი ₾არი შესწირა. შემწირველთა ერთიან პორტალზე ასახული მონაცემების მიხედვით, საერთო ჯამში, ფუტკარაძეს მმართველ პარტიაზე დღემდე 147 000 ₾არი აქვს ჩარიცხული.
შპს “ბონდი-2009”-ის პარტნიორი ოთარ ფუტკარაძე ბათუმის საკრებულოს ყოფილი წევრის, ნუკრი დოლიძის ბიზნეს-პარტნიორია. ფუტკარაძე და დოლიძე რამდენიმე კომპანიაში ბიზნეს-პარტნიორები არიან. (შპს „ფიშ პოინტი“, შპს „მეთევზეთა გაერთიანება“ და „შპს ბონდი-2009“)
“საერთაშორისო გამჭვირვალობა საქართველოს” 2023 წელს ჩატარებული კვლევის თანახმად, “ბონდი-2009” მარტო გასულ წელს, 35 მილიონ ₾არზე მეტის სახელმწიფო ტენდერი აქვს მოგებული. ორგანიზაციის ცნობით, 2012 წლიდან „ბონდი-2009“-ს ჯამში 190 მილიონ ₾არამდე ღირებულების ტენდერი აქვს მოგებული და 800,000 ₾არზე მეტი გამარტივებული შესყიდვის კონტრაქტები მიღებული.
სახელმწიფო აუდიტის დასკვნის თანახმად, „ბონდი 2009” ტენდერებს უკონკურენტო პირობებში იგებს.
ინფორმაციისთვის: „ბონდი 2009” აჭარაში, მსხვილ ინფრასტრუქტურულ პროექტებს ახორციელებს, სამუშაოების უმეტეს ნაწილს კი უხარისხოდ და ვადების დარღვევით ასრულებს.
