ქობულეთის მერიამ, თოვლის საფარისგან მხოლოდ, ლევან ზოიძის მშობლების სახლისკენ მიმავალი მთავარი და ალტერნატიული გზები გაწმინდა

ქობულეთის მერიამ, თოვლის საფარისგან მხოლოდ, ლევან ზოიძის მშობლების სახლისკენ მიმავალი მთავარი და ალტერნატიული გზები გაწმინდა, ხოლო სოფლის სხვა მცხოვრებლები უყურადღებოდ დატოვა. აჭყვისთავში შიდა სასოფლო გზები ამ დრომდე გაუწმენდავია. ფაქტის ამსახველი ფოტოები “აჭარა თაიმსმა” გადაიღო.

რატომ მოხმარდა ბიუჯეტის ფული კერძო ინტერესებს და ვისი მითითებით გაწმინდეს თოვლის საფარი ქობულეთის მერის მშობლიური სახლისკენ მიმავალ გზებზე? ამ კითხვებზე ქობულეთის მერიაში რამდენიმე საათიანი ლოდინის მიუხედავად არ გვიპასუხეს.

ცნობისთვის, ქობულეთის სოფლებში მუნიციპალური ტრანსპორტი გაუწმენდავი გზების გამო არ მოძრაობს. მათ შორის, ბუნებრივი აირის დაზიანებული მილების აღდგენაც უგზოობის გამო შეუძლებელია. ქობულეთში ათამდე სოფელი ელექტროენერგიის გარეშეა.