გეოლოგებმა, სოფელ პაქსაძეებში განვითარებული მეწყრული პროცესების შესწავლა დაიწყეს. როგორც ხულოს მუნიციპალიტეტის მერიაში განმარტავენ, სპეციალისტების პირველადი რეკომენდაციით მეწყრული კერის არეალში მყოფი 7 ოჯახი უკვე ქირით გაიყვანეს.
“ამ ეტაპზე მეწყრული კერა არის აქტიური და ყოველდრიურ რეჟიმში ხორციელდება მისი მონიტორინგი შესაბამისი სპეციალისტების მიერ. ოჯახებს გაეწევათ შესაბამისი დახმარება,” – ამბობენ მერიაში.
ინფორმაციისთვის: სოფელ პაქსაძეებში მეწყერი 18 იანვარს განვითარდა, რამაც საფრთხე შეუქმნა იქ მცხოვრებ მოსახლეობას, ასევე, ჩამოშლილმა მიწის მასამ საავტომობილო მოძრაობა შეზღუდა სოფელ გელაძეების მიმართულებით.
