ბათუმის მუნიციპალური ავტობუსებში არაჰიგიენური გარემო მოქალაქეების უკმაყოფილებას იწვევს. მგზავრები ამბობენ, რომ სალონში მტვერი და ჭუჭყია, ხოლო სავარძლები დაზიანებული და შელახულია.
კადრებში, რომელიც „აჭარა თაიმსმა“ გადაიღო, ჩანს, რომ ავტობუსის სალონი არ არის მოწესრიგებული. დაბინძურებულია სავარძლები, ხელის მოსაკიდებლები და მინებიც.
„ყოველდღე ვსარგებლობ ამ ავტობუსით და ხშირად არის მტვერი და სიბინძურე, განსაკუთრებით სავარძლებზე და მინებზე,“ – ამბობს ერთ-ერთი მოქალაქე ჩვენთან საუბრისას.
ავტობუსებში არაჰიგიენური მდგომარეობის მიუხედავად, შპს. „ბათუმის ავტოტრანსპორტში“ ირწმუნებიან, რომ ისინი ტრანსპორტს ყოვედღიურად ასუფთავებენ.
„ბათუმის მუნიციპალურ ტრანსპორტში სანიტარიული ნორმების დაცვა და ავტობუსების დასუფთავება ყოველდღიურ რეჟიმში ხორციელდება. აღნიშნულ პროცესს უზრუნველყოფს ბათუმის ავტოტრანსპორტის შესაბამისი სამსახური, რომელიც მუნიციპალური ავტობუსების როგორც შიდა, ისე გარე დასუფთავებაზეა პასუხისმგებელი. ავტოპარკის ტერიტორიაზე მოწყობილია სამრეცხაო და დასუფთავების პუნქტები, სადაც ავტობუსების რეგულარული წმენდა და სანიტარიული დამუშავება მიმდინარეობს,“ – წერილობით გვიპასუხეს მუნიციპალურ კომპანიაში.
დაკავშირებული თემები🔻
რუსული და „ქურდული“ სიმღერების ჩართვის გამო ბათუმის ავტობუსებიდან მაგნიტოფონები ამოიღეს
გახშირებული ავარიები და მუნიციპალური ავტობუსის კანონდამრღვევი მძღოლები
ბათუმში მიკროავტობუსებით მგზავრობა გაძვირდა
