„აჭარა თაიმსის“ ინფორმაციით, ბათუმის საჯარო ბიბლიოთეკის დირექტორს, ჯონი საბაშვილს, თანამდებობა დაატოვებინეს. ჩვენი ინფორმაციით, ის დღეს ბიბლიოთეკის თანამშრომლებს დაემშვიდობა.
საბაშვილმა წასვლის შესახებ განცხადება კანცელარიას უკვე წარუდგინა, რაც ჯერ არ დაკმაყოფილებულა.
„აჭარა თაიმსისთვის“ ცნობილი ხდება, რომ ბათუმის საჯარო ბიბლიოთეკის ახალი დირექტორის შერჩევის საკითხი უკვე განხილვის ეტაპზეა. წყაროების ცნობით, განიხილება ოთხი კანდიდატურა, რომელთაგან ერთ-ერთი ბათუმის მერიის ერთ-ერთი აიპის მოქმედი ხელმძღვანელია.
