ამ წუთებში ბათუმში, ხალხმრავალი აქცია იმართება. მოქალაქეები ქუჩებში მსვლელობით სხვებს მოუწოდებენ, რომ ხელისუფლების გადაწყვეტილება გააპროტესტონ. აქციის მონაწილეებმა ცენტრალური ქუჩები, მათ შორის ბათუმის შემოსასვლელ გასასვლელი რამდენიმე წუთით გადაკეტეს.
მათი თქმით, ისინი ხელისუფლების გადაწყვეტილებას არ შეეგუებიან და პროტესტი პერმანენტული ხასიათის იქნება. მოქალაქეებს შეუერთდნენ სხვადასხვა ოპოზიციური პარტიის წევრები და მათი მხარდამჭერები.
ინფორმაციისთვის: “ქართულმა ოცნებამ” გუშინ განაცხადა, რომ ევროკავშირში გაწევრების პროცედურებს 2028 წლამდე აჩერებს, რასაც საზოგადოების მწვავე რეაქცია მოჰყვა.
