„დინამო ბათუმმა“ ჩემპიონთა ლიგის საკვალიფიკაციო ეტაპის პირველი მატჩი „PFC ლუდოგორეცთან“ 3:1 დათმო. შეხვედრა ბულგარული გუნდის აქტიურობით დაიყო, რასაც მე-3 წუთზე „დინამოს კართან სახიფათო მომენტი მოჰყვა.
„ლუდოგორეცის“ ფეხბურთელები ზეწოლას განაგრძობდნენ, რასაც მე-13 წუთზე ბერნარდ ტეპეტეის გოლი მოჰყვა. პირველ ნახევარში ბულგარელები კიდევ ერთხელ, 23-ე წუთზე რიკის გოლით, დაწინაურდნენ.
შეხვედრის მეორე ნახევარში „დინამო ბათუმმა“ „PFC ლუდოგორეცის“ კარში, 62-ე წუთზე ვლადიმერ მამუჩაშვილის დარტყმით გოლი გაიტანა. თუმცა ზუსტად 10 წუთში, ასლაკ ვიტრიმ „ლუდოგორეცი“ ისევ 2 ბურთით დააწინაურა. საბოლოდ შეხვედრა 3:1, „PFC ლუდოგორეცის“ სასარგებლოდ დასრულდა.
„დინამო ბათუმი“ „ლუდოგორეცთან“ საპასუხო შეხვედრას, ბათუმში 17 ივლისს „აჭარაბეთ არენაზე“, ადგილობრივი დროით 21:00 საათზე გაიმართავს.
ავტორი: დიმიტრი გორგილაძე [სტაჟიორი]
