საქართველოს დავით ყიფიანის სახელობის 2025 წლის თასის გათამაშების ნახევარფინალში „დინამო ბათუმი“ „იბერია-1999“-თან შეხვედრა 1:5 დათმო და ტურნირს გამოეთიშა.
მიხეილ მესხის სახელობის სტადიონზე გამართული მატჩი თბილისელთა უპირატესობით დაიწყო. ანგარიშის გახსნა მეცხრე წუთზე ახვლედიანმა მოახერხა, ხოლო 54-ე წუთზე დადიანმა უპირატესობა ორ ბურთამდე გაზარდა.
შეხვედრის 73-ე და 81-ე წუთებზე დუბლი შეასრულა ძაგანიამ, ხოლო საბოლოო შედეგი – 5:1 – სილაგაძემ 90+3-ე წუთზე დააფიქსირა. „დინამო ბათუმის“ მხრიდან ერთადერთი გოლი 89-ე წუთზე ლუკა წულუკიძემ გაიტანა. დავით ყიფიანის სახელობის 2025 წლის თასის ფინალში ერთმანეთს „იბერია-1999“ და „გორის დილა“ დაუპირისპირდებიან.
ავტორი: დიმიტრი გორგილაძე
