დინამო ბათუმი ეროვნული ლიგის მე-13 ტურში მეშახტე დაამარცხა.
შეხვედრა გიორგი ჭიაბრიშვილის გუნდისთვის ნეგატიურად დაიწყო, მატჩის 34-ე წუთზე ირაკლი სიხარულიძემ „მეშახტეს“ დაწინაურება მოახერხა და ლაზარე კუპატაძის კარი აიღო.
„თოლიებმა“ ანგარიშის გათანაბრება მეორე ტაიმის დაწყებიდან მალევე შეძლეს, 49-ე წუთზე ლუკა წულუკიძემ „დინამო ბათუმის“ პირველი გოლი გაიტანა.
გამარჯვების გოლი კი 84-ე წუთზე ლევან ხოზრევანიძემ გაიტანა.
დინამო ბათუმი ეროვნული ლიგის მომდევნო შეხვედრას 21 მაისს გამართავს, მე-14 ტურში „თოლიები“ სპაერი ესტუმრებიან.
ავტორი: დიმიტრი გორგილაძე
