კვირიკეში მცხოვრებლები სახელმწიფოს მიერ გასხვისებული მიწების დაბრუნებას ითხოვენ. სოფელში დღეს მორიგი საპროტესტო აქცია გაიმართა, სადაც ადგილობრივებმა განაცხადეს, რომ ტერიტორიები მათთან შეთანხმების გარეშე გადასცეს ინვესტორს.
საუბარია 30 ჰექტარ ტერიტორიაზე, რომელსაც მოსახლეობა სასოფლო სამეურნეო დანიშნულებით წლებია იყენებდა. ადგილობრივები ხელისუფლებას მიმართავენ და მათი მოთხოვნების გათვალისწინებას ითხოვენ, წინააღმდეგ შემთხვევვაში საპროტესტო აქციებით იმუქრებიან.
