2025 წლის მაისში საქართველოს სტატისტიკის ეროვნული სამსახურის მიერ გამოქვეყნებული მონაცემების მიხედვით, წინა თვესთან შედარებით ინფლაციის დონემ 0.4 პროცენტი, ხოლო წლიურმა ინფლაციამ 3.5 პროცენტი შეადგინა. საბაზო ინფლაციის მაჩვენებელი 2.1 პროცენტით განისაზღვრა, ხოლო თამბაქოს გარეშე – 2.0 პროცენტით.
ინფლაციაზე ძირითადი გავლენა სამომხმარებლო კალათაში შემავალი რამდენიმე ძირითადი ჯგუფის ფასების ზრდამ მოახდინა.
თვიური ინფლაცია — რა გაძვირდა აპრილთან შედარებით?
სურსათი და უალკოჰოლო სასმელები: ფასებმა ამ ჯგუფში 1.6%-ით მოიმატა და თვიურ ინფლაციაში 0.51 პროცენტული პუნქტი შეიტანა. განსაკუთრებით გაძვირდა:
- ბოსტნეული და ბაღჩეული — 8.7%;
- ხილი და ყურძენი — 8.3%;
- უალკოჰოლო სასმელები — 1.8%;
- თევზეული — 1.4%;
- ხორცი და ხორცის პროდუქტები — 0.9%;
- პური და პურპროდუქტები — 0.6%
ამავე დროს, შემცირდა რძის, ყველისა და კვერცხის (-1.6%), ყავის, ჩაისა და კაკაოს (-0.6%), ზეთისა და ცხიმის (-0.1%) ფასები.
სასტუმროები, კაფეები და რესტორნები: ფასებმა 1.4%-ით მოიმატა, რაც 0.05 პროცენტული პუნქტით აისახა ინფლაციაში. ძირითადი მატება ღამის გასათევ მომსახურებაზე დაფიქსირდა (7.2%).
ტანსაცმელი და ფეხსაცმელი: ფასების ზრდა შეადგენს 0.8%-ს, რაც თვიურ ინფლაციაზე 0.03 პროცენტული პუნქტით აისახა.
ტრანსპორტი: ფასები 1.1%-ით შემცირდა, რაც ინფლაციაზე -0.12 პროცენტული პუნქტით აისახა. შემცირება პირადი სატრანსპორტო საშუალებების ექსპლუატაციასა (-1.7%) და მათ შეძენაზე (-0.5%) დაფიქსირდა. ზრდა მხოლოდ სატრანსპორტო მომსახურებაზე შეინიშნებოდა (0.3%).
ფასების ცვლილება 2024 წლის მაისთან შედარებით სურსათი და უალკოჰოლო სასმელები: ფასები 8.3%-ით გაიზარდა და წლიურ ინფლაციაში 2.82 პროცენტული პუნქტი შეიტანა. ყველაზე მეტად გაძვირდა:
- ზეთი და ცხიმი — 22.5%;
- ბოსტნეული და ბაღჩეული — 17.6%;
- ყავა, ჩაი და კაკაო — 15.4%;
- უალკოჰოლო სასმელები — 10.6%;
- შაქარი და ტკბილეული — 9.5%;
- პური და პურპროდუქტები — 8.4%;
- ამასთან, ხილი და ყურძენი გაბალანსდა 4.7%-იანი გაიაფებით.
ჯანმრთელობის დაცვა: ფასებმა 9.0%-ით მოიმატა, რაც 0.75 პროცენტული პუნქტით აისახა წლიურ ინფლაციაში. გაძვირდა:
- ამბულატორიული მომსახურება — 10.2%;
- სამედიცინო პროდუქცია და მოწყობილობა — 8.3%;
- საავადმყოფოების მომსახურება — 7.6%
სხვადასხვა საქონელი და მომსახურება: ფასები 5.9%-ით გაიზარდა (წვლილი ინფლაციაში — 0.29 პპ). ყველაზე მნიშვნელოვანი მატება დაფიქსირდა:
- პირადი ნივთები — 20.7%;
- დაზღვევა — 8.7%;
- საფინანსო მომსახურება — 5.4%
ტრანსპორტი: ჯგუფში ფასები წლიურად 4.5%-ით შემცირდა და ინფლაციის მაჩვენებელზე -0.54 პროცენტული პუნქტით იმოქმედა. ყველაზე მეტად გაიაფდა პირადი სატრანსპორტო საშუალებების ექსპლუატაცია (-7.4%).
