„დინამო ბათუმი“ ანგოლელმა ნახევარმცველმა, მარიო ბალბურდიამ დატოვა, ინფორმაციას ამის შესახებ კლუბი სოციალურ ქსელში ავრცელებს.
ბალბურდია „ბათუმელებს“ 2024 წლის სექტემბერს შეუერთდა, კლუბის მაისურით მან 13 მატჩში მიიღო მონაწილეობა, სადაც 5 გოლი გაიტანა.
Transfermarkt-ის ინფორმაციით, 27 წლის ანგოლელი კარიერას თურქულ „ბოლუსპორიში“ (Boluspor) გააგრძელებს. კლუბი თურქეთის მეორე ლიგაში, Trendyol 1. Lig-ში ასპარეზობს.
ავტორი: დიმიტრი გორგილაძე
