ბათუმის მერიის ინფორმაციით, წელს ახალი სადღესასწაულო ილუმინაციები და აქსესუარები რამდენიმე ქუჩაზე დამონტაჟდება. უწყებაში განმარტავენ, რომ ამ ეტაპზე საახალწლო განათებები მხოლოდ სატესტო რეჟიმზეა.
“მოცულობითი სამუშაოებიდან გამომდინარე, განათებების მონტაჟი ნოემბერში დაიწყო და დეკემბრის შუა რიცხვებში დასრულდება. ამ ეტაპზე სამუშაოები თამარის გზატკეცილსა და კაჩინსკების ქუჩებზე მიმდინარეობს. ქალაქის მთავარი ნაძვის ხე ევროპის მოედანზე დამონტაჟდება და 25 დეკემბერს საზეიმოდ აინთება,” – აცხადებენ ბათუმის მერიაში.
