შინაგან საქმეთა სამინისტროს ინფორმაციით, დიდი ოდენობით ნარკოტიკული საშუალების უკანონო შეძენა-შენახვისა და საქართველოში შემოტანის ბრალდებით, თურქეთის რესპუბლიკის მოქალაქე დააკავეს.
უწყების ცნობით, საბაჟო გამშვები პუნქტის „სარფის“ ტერიტორიაზე, ბრალდებულის პირადი შემოწმებისას, ნივთმტკიცებად დიდი ოდენობით – ერთ შეკვრად დაფასოებული ნარკოტიკული საშუალება „კოკაინი“ ამოიღეს.
გამოძიება საქართველოს სისხლის სამართლის კოდექსის 260-ე და 262-ე მუხლების მე-2 ნაწილის „ა“ ქვეპუნქტებით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.
