„აჭარა თაიმსის“ ინფორმაციით, „ქართული ოცნების“ ქობულეთის მუნიციპალიტეტის მერმა ირაკლი ცეცხლაძემ მოადგილეთა შემადგენლობაში ცვლილებები შეიტანა.
მერიის ადმინისტრაციის ყოფილი უფროსი გელა გოგიტიძე მერის პირველ მოადგილედ დაინიშნა.
მინდია რომანაძემ მერის მოადგილის პოზიცია შეინარჩუნა და კვლავ გააგრძელებს მუშაობას აღნიშნულ თანამდებობაზე.
მერის მესამე მოადგილედ კი ჯუმბერ ჭყონია დაინიშნა.
ცვლილებების შედეგად, ლევან გოგიტიძე აღარ არის მერის მოადგილე, მან თანამდებობა დატოვა.
ქობულეთის მერიაში ჩვენი კითხვები უპასუხოდ დატოვეს.
