„აჭარა თაიმსის“ ინფორმაციით, ქობულეთის საბავშვო ბაღების გაერთიანების დირექტორს, ია ხალვაშს, დაკავებული თანამდებობიდან ათავისუფლებენ. ჩვენი ინფორმაციით, ია ხალვაში დღეს სამსახურში არ გამოცხადდა.
გაერთიანების თანამშრომლები პირად საუბრებში აცხადებენ, რომ დირექტორი არც შვებულებაში იმყოფება და არც სამედიცინო ბიულეტენზეა გასული, რაც აჩენს კითხვებს მისი სამსახურში არყოფნის მიზეზებთან დაკავშირებით.
„აჭარა თაიმსი“ დაინტერესდა, რის საფუძველზე ხდება ია ხალვაშის გათავისუფლება, თუმცა ქობულეთის მერიაში კომენტარს არ აკეთებენ. უწყებაში მხოლოდ ის გვითხრეს, რომ ამ ეტაპზე ხალვაში კვლავ ინარჩუნებს თანამდებობას.
„ახლა ექიმთან ვარ, გისმენთ… ჯერ არ მაქვს [თანამდებობის დატოვება] გადაწყვეტილი, ვფიქრობ,“ – განუცხადა „აჭარა თაიმს“ ია ხალვაშმა.
