ორდღიანი ნალექის შედეგად, ქობულეთის მუნიციპალიტეტის სოფელ აჭში მეწყერი განვითარდა. მეწყერმა ერთ-ერთი ადგილობრივის საცხოვრებელთან მიწის მასის ჩამოშლა გამოიწვია, რის შედეგადაც სახლის კედელი დაზიანდა.
მიწის მასამ ასევე დააზიანა ოჯახის საყოფაცხოვრებო ნივთები. შემთხვევის შედეგად არავინ დაშავებულა. ოჯახი ამ დროისთვის უსაფრთხო ადგილზეა გადაყვანილი.
„მერთან, მერიის წარმომადგენელთან, სოფლის დეპუტატთან და მუნიციპალიტეტის ინფრასტრუქტურის სამსახურის ხელმძღვანელთან ერთად ადგილზე გავეცანით არსებულ ვითარებას. ოჯახს ჩვენი სრული მხარდაჭერა ექნება“, – აცხადებს ქობულეთის მერის მოადგილე ჯუმბერ ჭყონია.
