ქობულეთში ძლიერმა ქარმა საცხოვრებელ კორპუს სახურავი გადახადა. შემთხვევა აღმაშენებლის ქუჩის დასაწყისში, რკინიგზის სადგურის მიმდებარე ტერიტორიაზე მოხდა.
ადგილზე მობილიზებული არიან საგანგებო სიტუაციების მართვის სამსახურის მაშველები. თუნუქის ფირფიტები საავტომობილო გზაზეა დაყრილი, რაც გადაადგილებას აფერხებს.
ადგილობრივების ინფორმაციით, მომხდარის შედეგად არავინ დაშავებულა.
აღსანიშნავია, რომ ზღვისპირა მუნიციპალიტეტებში პერიოდულად რთული მეტეოროლოგიური პირობები ფიქსირდება – ძლიერი ქარი, წვიმა, სეტყვა, თოვლი და ელვა.
