გარემოსდაცვითი ზედამხედველობის დეპარტამენტის ინფორმაციით, შუახევის მუნიციპალიტეტის სოფელ პაპოშვილებში არარეგისტრირებული სახერხი საამქრო გამოავლინეს.
უწყების ცნობით, მოქალაქეს ლენტური ტიპის სახერხი დანადგარი სარდაფში ჰქონდა დამონტაჟებული და იგი შესაბამისი რეგისტრაციის გარეშე ფუნქციონირებდა.
ვინაიდან ფაქტი შეიცავს სისხლის სამართლის დანაშაულის ნიშნებს, საქმეზე გამოძიება შუახევის რაიონულ პოლიციაში დაიწყო.
