10 ტურის პაუზის შემდეგ „დინამო ბათუმმა“ პირველი გამარჯვება მოიპოვა. „ბათუმელები“ ეროვნული ლიგის 26-ე ტურში „გორის დილას“ დაუპირისპირდნენ და ანგარიშით 1-2 გაიმარჯვეს. ეს ბათუმელებისთვის პირველი გამარჯვება ეროვნული ლიგის მე-16 ტურის შემდეგ.
შეხვედრის პირველი ტაიმი დაძაბული და სანახაობრივი გამოვიდა. თამაშის მეხუთე წუთზე ფეხბურთელებს შორის შელაპარაკება მოხდა, რომელიც მსაჯმა განმუხტა. მთლიანობაში, მატჩის პირველი ნახევარი „დილას“ ინიციატივითა და აქტიურობით გამოირჩეოდა.
შეხვედრის მეორე ნახევარი, ორივე გუნდა თანაბრად დაიწყო. მატჩის 50-ე წუთზე „გორელებმა“ ორი სახიფათო მომენტი შექმნეს, რომელიც ვერ გამოიყენეს. 68-ე წუთზე „გორის დილას“ საჯარიმოსთან ახლოს სტანდარტი დაინიშნა, რომელიც „ბათუმელებმა“ გაათამაშეს და 68-ე წუთზე დავით მუჯირმა, თავური დარტყმით გოლი გაიტანა.
გაშვებულმა გოლმა, „დილას“ შეტევისკენ უბიძგა და ისინი უფრო გააქტიურა. 80-ე წუთზე, კონტრშეტევაზე, ახლო დარტყმიდან, ონორე გომისმა „თოლიების” უპირატესობა ორ ბურთამდე გაზარდა. 87-ე წუთზე “გორელები” 10 კაცით დარჩნენ, კალის წითელი ბარათის გამო. მიუხედავთ დანაკლისისა, მატჩის 93 წუთზე „დილას“ ძლიერად ჩაწოდებული ბურთი, საკუთარ კარში ნიკოლოზ მალიმ ჩაჭრა. საბოლოოდ მატჩი 1-2 დასრულდა.
ავტორი: დიმიტრი გორგილაძე
