სურსათის ეროვნულმა სააგენტოს თანამშრომლების მონიტორინგის შედეგად ბათუმში, რამდენიმე სახის დარღვევა გამოვლინდა, ინფორმაცია ასახულია 2023 წლის მესამე კვარტლის ანგარიშში.
ბათუმში, ანდრია პირველწოდებულის ქუჩაზე არსებულ სასტუმრო „თემოს“ კვების ბლოკში, ლაბორატორიული კვლევის შედეგად კოლიფორმები აღმოჩნდა. დოკუმენტში ვკითხულობთ, რომ ბიზნესოპერატორმა დარღვევის დაფიქსირების შემდეგ ყველის მიმწოდებელი შეცვალა.
კოლიფორმული ბაქტერიები დაფიქსირდა სკოლის ბუფეტში. ინდ. მეწარმე რეგისტრირებულია ბათუმში, მის: გუდიაშვილის №4; ქვ. სალიბაური, მე-4 ქუჩა, I ჩიხი N1.
კოლიფორმული ბაქტერიები და კოაგულაზადადებითი სტაფილოკოკი დაფიქსირდა გონიოში, სასტუმროს სამზარეულოში, რომელიც წმინდა ანდრია პირველწოდებულის მეორე შესახვევში მდებარეობს. ბიზნესოპერატორი დაჯარიმდა – 500 ლარით და მას დაევალა რეცხვა-დეზინფექცია; სხვადასხვა ლაბორატორიული კვლევის ჩატარება, ასევე პერსონალის ჯანმრთელობის მდგომარეობის კონტროლი.
სასმელი წყლის მიკრობიოლოგიური დაბინძურება დაფიქსირდა ბათუმში, ანდრია პირველწოდებულის მე-2 შესახვევი N 26 მდებარე სასტუმროში. სპეციალისტების მონიტორინგის შედეგად დადგინდა, რომ 300 მლ წყალშიში აღმოჩნდა; E.coli 330 (ნორმა: არ დაიშვება). St. Faecalis 250 (ნორმა: არ დაიშვება).
დაბინძურებული სასმელი წყალით მარაგდებოდა გონიოში სასტუმრო, რომელიც ანდრია პირველწოდებულის ქ. N 38-ში მდებარეობს.
სურსათის ეროვნულმა სააგენტომ აჭარის მუნიციპალიტეტებში არსებული სასმელი წყლის სათავე ნაგებობებიც გამოიკვლია. ირკვევა, რომ მუნიციპალიტეტებში წყლის ხარისხი არადამაკმაყოფილებელია. შედეგებს ნახავთ აქ.
