კლინიკა „მედინას“ ინფორმაციით, 59 წლის ნანა ურუშაძე 19-წლიანი ლოდინის შემდეგ დედა გახდა. კლინიკის ცნობით, ორსულობის ადრეულ ეტაპზე პაციენტი რეპროდუქტოლოგმა ჯანმრთელობის ცენტრ „მედინაში“ დროულად გადაამისამართა, სადაც ორსულობა მესამე დონის ანტენატალური მეთვალყურეობის ფარგლებში მიმდინარეობდა.
ორსულობას მართავდნენ მეან-გინეკოლოგი, მედიცინის მეცნიერებათა დოქტორი, პროფესორი ჯუმბერ უნგიაძე და მეან-გინეკოლოგი ხათუნა სამნიძე.
საკეისრო კვეთა გესტაციის 34-ე კვირას ჩატარდა. კლინიკის ინფორმაციით, პერინატოლოგიისა და მეან-გინეკოლოგიის დეპარტამენტისა და ახალშობილთა ინტენსიური თერაპიის გუნდის პროფესიონალიზმისა და უწყვეტი ზრუნვის შედეგად, დედაც და ახალშობილიც კლინიკიდან სტაბილურ მდგომარეობაში გაწერეს.
