„დინამო ბათუმისა“ და „კოლხეთი 1913“-ის შეხვედრა ფრედ – 2:2 დასრულდა. მატჩი ეროვნული ლიგის 27-ე ტურის ფარგლებში გაიმართა.
ანგარიში პირველი ტაიმის მიწურულს, 45+1-ე დამატებულ წუთზე, „კოლხეთი 1913“-ის ფეხბურთელმა ხარებავამ გახსნა. მეორე ტაიმის დასაწყისში, 48-ე წუთზე, პლიუშჩიმ ფოთელთა უპირატესობა ორ ბურთამდე გაზარდა.
გიორგი ჭიაბრიშვილის გაწვრთნილმა „დინამო ბათუმმა“ მატჩის შემოტრიალება 60-ე წუთზე დაიწყო, როდესაც ჯაფარიძემ შეამცირა სხვაობა. 78-ე წუთზე წულუკიძის გოლმა ანგარიში გაათანაბრა – 2:2.
„დინამო ბათუმი“ ეროვნულ ლიგაში მომდევნო შეხვედრას 18 ოქტომბერს გამართავს. 28-ე ტურში თბილისში „დინამოების“ დერბი გაიმართება.
