„რაგბის კლუბი ბათუმის“ წაუგებელი სერია გრძელდება. „რ/კ ბათუმი“ რაგბი დიდი 10-ის მეხუთე ტურში „ხვამლი თბილისს“ დაუპირისპირდა და ანგარიშით 24:20 მოიგო.
ეს ბათუმური კლუბისთვის ზედიზედ მეხუთე მოგებული მატჩია.
შეხვედრის პირველი ტაიმი „ხვამლმა“ 20:7 მოიგო, ხოლო მეორე ნახევარში „რ/კ ბათუმმა“ თამაშის მოტრიალება შეძლო და დამაჯერებელი დომინირებით 17:0 იმარჯვა. საბოლოოდ, მატჩი ოთხი ქულით მოიგეს.
„რაგბის კლუბი ბათუმი“ რაგბი დიდი 10-ის მომდევნო შეხვედრას 17 ოქტომბერს გამართავს. მეექვსე ტურში „რ/კ ბათუმი“ „არესი ქუთაისს“ მიიღებს.
ავტორი: დიმიტრი გორგილაძე
