შინაგან საქმეთა სამინისტროს აჭარის პოლიციის დეპარტამენტის არასრულწლოვანთა საქმეთა სამმართველოს თანამშრომლებმა 1995 წელს დაბადებული, წარსულში ნასამართლევი გ.ტ. წინასწარი შეცნობით არასრულწლოვნის გაუპატიურების ბრალდებით დააკავეს.
შსს-ს ინფორმაციით, ჩატარებული ოპერატიული ღონისძიებებისა და საგამოძიებო მოქმედებების შედეგად დადგინდა, რომ ბრალდებულმა მცირეწლოვანი გოგონას მიმართ სქესობრივი ხასიათის დანაშაული ჩაიდინა. სამართალდამცველებმა იგი დანაშაულის ჩადენიდან მალევე აიყვანეს.
გამოძიება მიმდინარეობს საქართველოს სისხლის სამართლის კოდექსის 137-ე მუხლის მე-4 ნაწილის საფუძველზე, რაც 20 წლამდე ან უვადო თავისუფლების აღკვეთას ითვალისწინებს.
