„კალათბურთის კლუბი ბათუმი“ სუპერლიგის მეხუთე ტურში „მარგვეთისთან“ გამართულ შეხვედრაში 78:88 დამარცხდა. ბათუმის სპორტის სასახლეში ჩატარებული მატჩი საკმაოდ დაძაბული გამოდგა – ქარტების შედეგებია: 25:21; 19:23; 21:21; 13:23.
შეხვედრის ყველაზე შედეგიანი მოთამაშე „მარგვეთის“ კალათბურთელი ჯეილენ ჰილი გახდა, რომელმაც 21 ქულა დააგროვა. „ბათუმის“ მხრიდან საუკეთესო იყო ლეგიონერი მაირინ ტომასი, რომლის ანგარიშზეც 19 ქულა და 10 მოხსნაა.
ბუბა ბერიშვილის გაწვრთნილი გუნდი სუპერლიგის მომდევნო შეხვედრას 14 ნოემბერს, ტყიბულის სპორტის სასახლეში გამართავს, სადაც „ორბს“ დაუპირისპირდება.
ავტორი: დიმიტრი გორგილაძე
