კ.კ. ბათუმის კალათბურთელი სუპერლიგის ტურის სიმბოლურ ხუთეულში მოხვდა

საქართველოს სუპერლიგის მეექვსე ტურის სიმბოლურ ხუთეულში „კალათბურთის კლუბი ბათუმის“ მოთამაშე აკაკი დვალიშვილი მოხვდა. მის ანგარიშზეა 20 ქულა და 13 მოხსნა, ხოლო „მოთამაშის ეფექტურობის რეიტინგში“ (EFF) დვალიშვილმა 33 ქულა დააგროვა, რაც აღნიშნულ ხუთეულში მეორე საუკეთესო შედეგია.

ტურის საუკეთესო ხუთეულში ასევე მოხვდნენ:

გუგა პატაშური (30 ქულა, 7 მოხსნა, EFF 31) – „რუსთავი“;

გიორგი სულაბერიძე (28 ქულა, 9 მოხსნა, EFF 39) – „ქუთაისი 2010“;

ოთარ ბულიავა (27 ქულა, 7 პასი, EFF 27) – „დელტა“;

ტრევონ ტომასი (20 ქულა, 4 მოხსნა, EFF 24) – „რაში“.

სუპერლიგის მეექვსე ტურის MVP „ქუთაისი 2010“-ის კალათბურთელი გიორგი სულაბერიძე გახდა.

ავტორი: დიმიტრი გორგილაძე