„აჭარა თაიმსის“ ინფორმაციით, ბათუმში სიმაღლიდან ვარდნის შედეგად კაცი დაიღუპა. შემთხვევა შარტავასა და ხიმშიაშვილის ქუჩების გზაჯვარედინთან მდებარე მრავალსართულიან კორპუსთან მოხდა.
თვითმხილველების თქმით, შემთხვევა დღის განმავლობაში დაფიქსირდა. ადგილზე მობილიზებული იყვნენ სასწრაფო სამედიცინო დახმარებისა და შსს წარმომადგენლები, თუმცა მიღებული დაზიანებების გამო კაცის გადარჩენა ვერ მოხერხდა.
ცნობისთვის, აღნიშნული კორპუსიდან ადამიანების ვარდნის შემთხვევა ხშირია.
შინაგან საქმეთა სამინისტროში გამაცხადეს, რომ ფაქტზე გამოძიება საქართველოს სისხლის სამართლის კოდექსის 115-ე მუხლით მიმდინარეობს.
