ქობულეთის ყოფილი მერი ლევან ზოიძე სახელმწიფო უსაფრთხოების სამსახურის ანტიკორუფციულ სამსახურში შესაძლო დაბარების შესახებ ინფორმაციას უარყოფს.
ზოიძემ „აჭარა თაიმსს“ განუცხადა, რომ „მსგავსი ფაქტი არ ყოფილა“.
„აჭარა თაიმსის“ წყაროს ინფორმაციით, ყოფილ მერს საგამოძიებო ორგანოში ქვეყნიდან გაუსვლელობის შესახებ დოკუმენტზე ხელი მოაწერინეს, თუმცა აღნიშნულთან დაკავშირებით ოფიციალური დადასტურება ამ ეტაპზე ვერ მოვიპოვეთ.
მოხდა თუ არა ქობულეთის მერიიდან ლევან ზოიძის საქმიანობასთან დაკავშირებული დოკუმენტაციის ამოღება? კითხვაზე ორდღიანი ლოდინის მიუხედავად უწყებაში არ გვიპასუხეს.
„აჭარა თაიმსის“ სატელეფონო ზარებს არ უპასუხეს არც სახელმწიფო უსაფრთხოების სამსახურში.
ცნობისთვის: ლევან ზოიძემ, რომელიც ქობულეთის მოსახლეობის მიერ არჩეული მერი იყო, თანამდებობა ვადაზე ადრე დატოვა.
