ფრაქცია „ქართული ოცნება“ აჭარის უმაღლესი საბჭოს თავმჯდომარის თანამდებობაზე ცოტნე ანანიძის კანდიდატურას წარადგენს. საკითხი უახლოეს რიგგარეშე პლენარულ სხდომაზე განიხილება.
ცოტნე ანანიძე უმაღლესი საბჭოს ორი მოწვევის დეპუტატია.
დღეს პარტია „ქართული ოცნება – დემოკრატიული საქართველოს“ აჭარის ორგანიზაციის თავმჯდომარემ, სულხან თამაზაშვილმა, უმაღლესი საბჭოს უმრავლესობის წევრებთან სამუშაო შეხვედრა გამართა.
პარტიის ინფორმაციით, შეხვედრაზე ყურადღება დაეთმო ახალი თავმჯდომარის კანდიდატურას. აღინიშნა, რომ წარდგენილი კანდიდატი უზრუნველყოფს უმაღლესი საბჭოს ეფექტიან და სტაბილურ მუშაობას.
უმაღლესი საბჭოს თავმჯდომარის პოსტი ვაკანტური მას შემდეგ გახდა, რაც დავით გაბაიძემ თანამდებობა დატოვა.
⇒ კარჩაკეტილი მმართველობა აჭარაში – ცოტნე ანანიძე თვითიზოლაციის პოლიტიკაზე კითხვებს არ პასუხობს
⇒ ქობულეთში ქრთამის აღების ბრალდებით დაკავებული პირის მეუღლე იჯარის კომისიის წევრი იყო
