„რაგბის კლუბი ბათუმი“ შესარჩევ ფინალში ქუთაისის „არესს“ დაუპირისპირდა და მატჩი 11:10 მოიგო. მოპოვებული გამარჯვებით „რკ ბათუმი“ ზედიზედ მეორედ ითამაშებს დიდი 10-ის ფინალში. მატჩი დაძაბული და რთული აღმოჩნდა. „ბათუმელების“ მხრიდან ლელო ლაშა ფოფხაძემ გაიტანა, ხოლო ორი ჯარიმა ვაჟა მიქაძის ანგარიშზეა.
ბოლო წლებში ეს „რკ ბათუმისთვის“ მეექვსე ფინალია. „ბათუმელებმა“ ჩემპიონობა 2022 და 2025 წლებში იზეიმეს, ხოლო 2021-სა და 2023 წლებში ვერცხლის მედლებს დასჯერდნენ.
რაგბის დიდი 10-ის ფინალი 25 აპრილს ბათუმში, „აჭარაბეთ არენაზე“ გაიმართება, სადაც საქართველოს მოქმედი ჩემპიონი ტიტულის დაცვას შეეცდება. „რკ ბათუმის“ მეტოქის ვინაობა მალე გაირკვევა.
ავტორი: დიმიტრი გორგილაძე
