საკალათბურთო კლუბმა „ბათუმმა“ სუპერლიგის 21-ე ტურში დიდი ანგარიშით დაამარცხა „ივერიონი“.
ბუბა ბერიშვილის გაწვრთნილმა გუნდმა მეტოქეს ოთხივე მეოთხედში დამაჯერებლად აჯობა (25:13, 28:12, 32:20, 30:23) და მატჩი 115:68 მოიგო.
მატჩის საუკეთესო მოთამაშედ „ბათუმის“ ლეგიონერი მაირონ ტომასი დასახელდა. მის ანგარიშზეა 36 ქულა, 9 მოხსნა, 3 პასი და ეფექტურობის (EFF) 56 ქულა.
„ივერიონზე“ გამარჯვებაში ასევე დიდი წვლილი შეიტანა გიორგი ოჩხიკიძემ, რომელმაც მატჩის განმავლობაში 21 ასისტი გააკეთა.
„ივერიონის“ მხრიდან საუკეთესო აიზია ადო-ანკრა იყო – 19 ქულით, 5 მოხსნითა და 4 პასით.
„სკ ბათუმი“ სუპერლიგის რეგულარული სეზონის ბოლო მატჩს 15 აპრილს გამართავს. 22-ე ტურში „ბათუმი“ „რაშს“ უმასპინძლებს.
ავტორი: დიმიტრი გორგილაძე
