ხულოს მერია პროპაგანდისტულ და სახელისუფლებო „იმედთან“ გაფორმებული ხელშეკრულების ფარგლებში ფინანსურ ანგარიშსწორებას ვეღარ ახორციელებს. ამის შესახებ ინფორმაცია „აჭარა თაიმსს“ უწყებაში დაუდასტურეს.
მიზეზი ბრიტანული სანქციები, რომელიც „იმედს“ დაუწესეს.
როგორც მერიაში განმარტავენ, გამარტივებული შესყიდვის პროცედურის ფარგლებში „იმედისთვის“ თანხის გადარიცხვა შეჩერებულია, თუმცა თანამშრომლობა კვლავ გრძელდება. მათი თქმით, ტელეკომპანია მუნიციპალიტეტის საქმიანობის გაშუქებას ამ ეტაპზე ანაზღაურების გარეშე აგრძელებს.
ცნობისთვის, ხულოს მერია აჭარაში ერთადერთი მუნიციპალიტეტი იყო, რომელმაც „იმედთან“ საინფორმაციო მომსახურების მიზნით ხელშეკრულება გააფორმა, ღირებულება 7 500 ლარს ლარს შეადგენდა.
