ბათუმში მიმდინარეობს საქართველოს ჩემპიონატი ჭადრაკში. ტურნირი იმართება 8, 10, 12, 14, 16 და 18 წლამდე ასაკის ვაჟებსა და გოგონებს შორის.
შეჯიბრებაში საქართველოს მასშტაბით 270-მდე მოჭადრაკე მონაწილეობს. ტურნირი ყველა ასაკობრივ კატეგორიაში გაიმართება 9 ტურად, შვეიცარიული სისტემით, ხოლო 16 და 18 წლამდე გოგონებს შორის – წრიული სისტემით, 7 ტურად.
საქართველოს ჩემპიონატმა 8, 10, 12, 14, 16 და 18 წლამდე ასაკის ვაჟებსა და გოგონებს შორის სტარტი 15 აპრილს აიღო და 23 აპრილამდე გაგრძელდება. ტურნირი მუხრან ვახტანგაძის სახელობის ბათუმის სპორტის სასახლეში მიმდინარეობს.
ავტორი: დიმიტრი გორგილაძე
