„საკალათბურთო კლუბმა ბათუმმა“ სუპერლიგის რეგულარული სეზონი გამარჯვებით დაასრულა. ჩემპიონატის 22-ე ტურში „დელფინები“ სტუმრად „რაშს“ ეწვივნენ და ანგარიშით 108:90 გაიმარჯვეს.
„ბათუმმა“ შეხვედრის პირველი სამი მეოთხედი დომინანტურად ჩაატარა (15-18; 16-33; 24-25), თუმცა მასპინძლებმა ფინალური მეოთხედი (35-32) საკუთარ აქტივში ჩაიწერეს.
სკ „ბათუმის“ შემადგენლობაში საუკეთესოდ აკაკი დვალიშვილი (20 ქულა, 11 მოხსნა, 3 პასი, ეფექტიანობა 30) და მაირინ ტომასი (18 ქულა, 12 მოხსნა, 10 პასი, ეფექტიანობა 33) გამოირჩნენ.
„რაშის“ რიგებში თავი ტრევონ ტომასმა გამოიჩინა – მან 23 ქულა, 7 მოხსნა და 4 პასი დააგროვა. „დელფინებმა“ რეგულარული სეზონი მეორე ადგილზე დაასრულეს. აღსანიშნავია, რომ ბუბა ბერიშვილის გუნდმა პირველადგილოსან „თსუ-სთან“ და მესამეადგილოსან „ქუთაისთან“ ერთად თანაბარი – 34 ქულა დააგროვა.
სუპერლიგის ფლეი-ოფში „საკალათბურთო კლუბი ბათუმი“ „ივერიონს“ დაუპირისპირდება. სერიის პირველი მატჩი 24 აპრილს გაიმართება.
ავტორი: დიმიტრი გორგილაძე
