ფოტო: თორნიკე ორბელაძე
ბათუმში ავტოსაგზაო შემთხვევა მოხდა, რომლის შედეგადაც სასწრაფო სამედიცინო დახმარების ავტომობილი ორ ქვეითს შეეჯახა.
შემთხვევის შესახებ „აჭარა თაიმსი“ გუშინ წერდა. ბათუმში სასწრაფო დახმარების მანქანა ორ ქვეითს დაეჯახა
დღეს კი, შემთხვევას საგანგებო სიტუაციების კოორდინაციისა და გადაუდებელი დახმარების ცენტრის ოფიციალური განცხადებით გამოეხმაურა.
„მომხდარი ავტოსაგზაო შემთხვევის შედეგად დაშავებულები დაუყოვნებლივ გადაყვანილ იქნენ შესაბამის სამედიცინო დაწესებულებაში, სადაც მათ უტარდებათ ყველა საჭირო სამედიცინო დახმარება. ფაქტთან დაკავშირებით შინაგან საქმეთა სამინისტროს დაწყებული აქვს გამოძიება, რის შედეგადაც დადგინდება, იყო თუ არა აღნიშნულ ავტოსაგზაო შემთხვევაში მძღოლის ბრალეულობა. დანაშაულის გამოვლენის შემთხვევაში, შემთხვევაზე პასუხისმგებელი პირის მიმართ, კანონის შესაბამისად, გატარდება ყველა შესაბამისი სამართლებრივი ღონისძიება“, – წერია გავრცელებულ განცხადებაში.
