შინაგან საქმეთა სამინისტროს ინფორმაციით, ბათუმში ინტერპოლის წითელი ცირკულარით ძებნილი თურქეთის რესპუბლიკის ორი მოქალაქე დააკავეს.
უწყების ცნობით, დაკავებულები თურქეთის სამართალდამცავი ორგანოების მიერ თაღლითობის ბრალდებით იძებნებოდნენ.
როგორც შსს-ში აცხადებენ, ორივე პირმა საქართველოს სახელმწიფო საზღვარი მანამდე გადმოკვეთა, ვიდრე მათ მიმართ საერთაშორისო ძებნა გამოცხადდებოდა.
სამართალდამცველებმა ჩატარებული საგამოძიებო მოქმედებების შედეგად, ძებნილი პირები ბათუმში, სხვადასხვა დროს დააკავეს.
ამ ეტაპზე, დაკავებულების მიმართ კანონით გათვალისწინებული საექსტრადიციო პროცედურები მიმდინარეობს.
