„საკალათბურთო კლუბმა ბათუმმა“ სუპერლიგის ფინალური სერია მარცხით დაიწყო.
ბუბა ბერიშვილის გაწვრთნილმა გუნდმა „თსუ-სთან“ პირველი მატჩი ანგარიშით 76:82 დათმო. სერიაში ანგარიში 1:0 „თსუ-ს“ სასარგებლოდ გაიხსნა.
„ბათუმის“ შემადგენლობაში საუკეთესო კარსონ ბაშამი იყო, მის ანგარიშზე ორმაგი დუბლი: 10 ქულა და 13 მოხსნა, ასევე ოთხი ბლოკი და ეფექტიანობის 21 ქულა.
„თსუ“-ს მხრიდან თავი ჰარდრიკტმა გამოიჩინა, მან 20 ქულა, ექვსი მოხსნა, ოთხი ჩაჭრა და ეფექტიანობის 19 ქულა დააგროვა.
„თსუ“-სა და „ბათუმს“ შორის ფინალური სერიის მეორე მატჩი 23 მაისს გაიმართება. პლეი-ოფის სერია სამ გამარჯვებამდე გაგრძელდება.
ავტორი: დიმიტრი გორგილაძე
