„Geo Team“-ის ინფორმაციით, „დინამო ბათუმი“ 26 წლის ბულგარელ მარჯვენა მცველს ივან ტურიცოვს დაიმატებს.
„დინამო ბათუმის პირველი ტრანსფერი, ივან ტურიცოვი. 𝐆𝐄𝐎 𝐓𝐄𝐀𝐌-ის ექსკლუზიური ინფორმაციით, ცსკა სოფიას კაპიტანი და ბულგარეთის ნაკრების 26 წლის მარჯვენა მცველი ივან ტურიცოვი კარიერას ბათუმის დინამოში გააგრძელებს“, წერია განცხადებაში.
გავრცელებული ინფორმაციით ტურიცოვის ტრანსფერი ფინალურ ფაზაშია, „CSKA SOFIA“-ს და ბულგარეთის ნაკრების ფეხბურთელს ტრანსფერის გაოფიციალურებისთვის მხოლოდ სამედიცინო შემოწმება დარჩა. სავარაუდოდ, ივანი „თოლიებთან“ 3.5-წლიან ხელშეკრულებას გააფორმებს.
26 წლის მარჯვენა მცველი, Efbet Liga-ის ერთ-ერთ გრანდში „ცსკა სოფიაში“, 2018/19 სეზონიდან ასპარეზობს. 2025/2026 წლების სეზონში ბულგარელმა, „წითელი არმიელების“ ფორმით, 20 მატჩი ჩაატარა სადაც ერთი საგოლე გადაცემა გააკეთა.
საერთო ჯამში „CSKA SOFIA“-ს რიგებში ტურიცოვმა (ყველა ტურნირზე) 222 მატჩი ჩაატარა სადაც შვიდი გოლი გაიტანა და 13 ასისტი გააკეთა. „SOFIA“-სთან ერთად 20/21 და 25/26 სეზონებში ორჯერ გახდა ბულგარეთის თასის მფლობელი.
როგორც იცით, „დინამო ბათუმს“ FIFA-სგან სატრანსფერო აკრძალვა ადევს, რომელსაც მოქმედების დრო 2026 წლის ზაფხულში გასდის, ივან ტურიცოვი, „დიდი ალბათობით“ „თოლიების“ პირველი ტრანსფერი იქნება.
