საქართველოს ჩოგბურთის ფედერაციის ინფორმაციით, ბათუმელმა ჩოგბურთელმა მარიამ ბოლქვაძემ კარიერაში ერთ-ერთი ყველაზე მნიშვნელოვანი გამარჯვება მოიპოვა და „უიმბლდონის“ ძირითადი ბადის პირველი წრე წარმატებით გადალახა.
მარიამ ბოლქვაძემ მსოფლიოს 94-ე ნომერი, ავსტრალიელი აილა ტომლიანოვიჩი (Ajla Tomljanović) სამ სეტში 6:2, 2:6, 6:4 დაამარცხა.
ამ გამარჯვებით ბათუმელი ჩოგბურთელი კარიერაში პირველად გავიდა „უიმბლდონის“ ძირითადი ბადის მეორე წრეში, რაც მის სპორტულ კარიერაში ისტორიული მიღწევაა.
„უიმბლდონი“ ჩოგბურთის ოთხი დიდი სლემის ტურნირიდან ერთ-ერთია და მსოფლიოს ყველაზე პრესტიჟულ შეჯიბრებებს შორის ითვლება.
