ბათუმში 2026 წლის სექტემბერში ახალაშენებული ბინების ღირებულება, შარშანდელ სექტემბერთან შედარებით, 5.2%-ით გაიზარდა და 1 მ2-ს ღირებულებამ 1.408 აშშ დოლარი შეადგინა. Recov.colliers.ge-ის ინფორმაციით, პირველად ბაზარზე მაჩვენებელი 10.7%-ით შემცირდა, ხოლო მეორეულ ბაზარზე 9.9%-ით გაიზარდა.
აღსანიშნავია, რომ ბათუმში საცხოვრებელი ბინების ტრანზაქციების რაოდენობა, 2025 წლის ანალოგიურ პერიოდთან მიმართებით, 10.4%-ითაა შემცირებული და 1,614 ერთეულს შეადგენს, ხოლო ბაზრის ზომა გაზრდილია 107 მლნ აშშ დოლარამდე. ტრანზაქციების რაოდენობის მიხედვით, ახალაშენებული ბინების შემთხვევაში შემცირება 11.6%-ია, ხოლო ძველი ბინების შემთხვევაში, გაზრდილია 8.8%-ით. როგორც Recov.colliers.ge წერს, ახალ პროექტებში ტრანზაქციების კლება მხოლოდ პირველად ბაზარზე დაფიქსირდა (-38%), მეორეულ ბაზარზე კი მაჩვენებელი 27.3%-ით გაიზარდა.
მნიშვნელოვანია ითქვას, რომ 2026 წლის აგვისტოში უცხოელი მყიდველების წილმა ძველი და ახალი პროექტების ტრანზაქციებში ქართველი მყიდველების წილს გადაუსწრო და 52% შეადგინა. მიმდინარე წლის სექტემბერში კი ძველი და ახალი პროექტების ტრანზაქციებში უცხოელ მყიდველებზე 48% მოდის.
ქალაქებში მოსახლეობა იზრდება, სოფლებში კი მცირდება – საქსტატის 2024 წლის აღწერის შედეგები ცნობილია
