ბათუმის ბულვარის ადმინისტრაციას ამ დრომდე არ დაუთვლია შტორმის შედეგად ინფრასტრუქტურაზე მიყენებული ზარალის ოდენობა. AJARATIMES.GE-ის ადმინისტრაციაში განუცხადეს, რომ სპეციალური კომისია ზარალს ამ დრომდე ითვლის.
“ინვენტარის ნაწილი აღდგა, ნაწილი კი უკვე შეკვეთილი გვაქვს, მათ შორის მცენარეები,” – გვითხრეს ადმინისტრაციაში.
ზღვისპირა პარკის ადმინისტრაციაში ისიც ვერ გვითხრეს როდის დაიწყება დაზიანებული პრომინადის აღდგენა-რეაბილიტაცია.
ინფორმაციისთვის, დამანგრეველი შტორმის შედეგად, თითქმის ერთ კილომეტრიან მონაკვეთზე დაზიანდა პრომინადი, ნარგავები და საპლაჟე ინფრასტრუქტურა.
სპეციალისტების შეფასებით, შტორმისგან გამოწვეული ზიანის თავიდან აცილება შესაძლებელი იქნებოდა, თუ სწორი ღონისძიებები განხორციელდებოდა.
